තවත් භාරත පුත්‍රයෙක් සිය ජිවන ගමන එසේ නිමා කළේය.

 ආචාර්ය මන්මෝහන් සිං මහතා ඉන්දියාවේ 13 වන අග්‍රාමාත්‍යවරයා ලෙස 2004 සිට 2014 දක්වා කටයුතු කළේය. ඔහු 1932 සැප්තැම්බර් 26 වැනිදා වත්මන් පාකිස්තානයේ පන්ජාබ් ප්‍රාන්තයේ උපත ලබා ඇත. අධ්‍යාපනයෙන් විශිෂ්ට දස්කම් දැක් වූ සිං මහතා, පන්ජාබ් විශ්වවිද්‍යාලයෙන් උපාධිය ලබාගෙන, එංගලන්තයේ කේම්බ්‍රිජ් සහ ඔක්ස්ෆර්ඩ් විශ්වවිද්‍යාලවලදී අධ්‍යාපනය ලබා ඇත. 

ආචාර්ය සිං මහතා ඉන්දියාවේ ප්‍රධාන ආර්ථික විශේෂඥයෙකු ලෙස කීර්තියක් ලබා ඇති අතර, 1991 දී මුදල් අමාත්‍යවරයා ලෙස පත්වී, රටේ ආර්ථික පුනරුදයට මහඟු දායකත්වයක් ලබා දී ඇත. ඔහුගේ ප්‍රතිසංස්කරණ මඟින් ඉන්දියාව ලිබරල් ආර්ථිකයකට පත් කළේය. 

අග්‍රාමාත්‍ය ධූරයේදී, ආචාර්ය සිං මහතාගේ ප්‍රධාන ජයග්‍රහණයක් වන්නේ එක්සත් ජනපදය සමඟ න්‍යෂ්ටික ගිවිසුමක් අත්සන් කිරීමයි. එමගින් ඉන්දියාව න්‍යෂ්ටික හුදකලාකමෙන් මුදා හැරීමට ඔහු සමත් විය. 

2024 දෙසැම්බර් 26 වැනිදා, 92 වැනි වියේ පසුවූ ආචාර්ය මන්මෝහන් සිං මහතා නවදිල්ලියේ රෝහලකදී අභාවප්‍රාප්ත විය. ඔහුගේ අභාවය ඉන්දියාවට විශාල පාඩුවක් ලෙස සැලකේ. 

ආචාර්ය සිං මහතාගේ නිහතමානී බව, බුද්ධිය සහ රාජ්‍ය සේවය සඳහා කැපවීම අනාගත පරපුරට ආදර්ශයක් හා දිරිගැන්වීමක් බව ජනාධිපති අනුර කුමාර දිසානායක මහතා පවසයි. 

ආචාර්ය මන්මෝහන් සිං මහතාගේ දේහය පිළිබඳ රාජ්‍ය අවමංගල්‍ය උත්සවය පූර්ණ හමුදා ගෞරවය සහිතව දිල්ලි නුවර නිගම්බෝද් ගාට්හිදී සිදුකෙරුණි. 

ආචාර්ය මන්මෝහන් සිං මහතාගේ ජීවිතය සහ සේවය ඉන්දියාවේ දේශපාලන ඉතිහාසයේ සුවිශේෂී ස්ථානයක් ගනී. ඔහුගේ නායකත්වය සහ ආර්ථික ප්‍රතිසංස්කරණයන් ඉන්දියාව නව මාවතකට ගෙන ගිය බවට සැලකේ.